ننشر مقابلة نجم ليفربول والمنتخب المصري محمد صلاح مع beIN SPORTS كاملة

بثت قناة beIN SPORTS HD1 أمس؛ الجمعة، مقابلة حصرية مع النجم المصري وليفربول محمد صلاح. وتنشر مجلة CMOs المقابلة الكاملة لجمهور صلاح على النحو التالي..

المحاور: طبعا هناك أسئلة شائعة ومتكررة حول وضع ليفربول أو حول وضع محمد صلاح مع ليفربول، وطبعاً هذا الموسم كان مغاير بسبب أزمة فيروس كورونا، وكانت العديد من الأندية الكبيرة تراجعت قليلاً حتى ليفربول مع بداية الجولات الأولى كان قد تراجع قليلاً وكان أيضاً إيفرتون في المقدمة وتوتنهام أيضاً وكان هناك سباق ولعبة الكراسي في المراكز المتقدمة، هل تراجع ليفربول برأيك كان بسبب تطور أداء الفرق الأخرى أم أن الوضع العام هو من جعل ليفربول يكون متأخراً ثم يأتي إلى مراكز متقدمة؟

صلاح: والله زي ما انت شايف الوضع مختلف عشان خاطر كورونا والدنيا صعبة أوي، فيه فرق بتكسب عشان خاطر  برضه اللعب من غير جمهور بيأثر عليك سواء في ملعبك أو برا ملعبك، الفرق كلها عندها نفس الفرصة انها تكسب في الماتشات، فأنا شايف أنه الكورونا واللي بيحصل الدوي بيوقف، أو هيوقف مش  هيوقف، الدنيا  كانت صعبة الفترة اللي فاتت ودلوقتي الدنيا رجعت تاني Lockdown، فالدنيا، ماحدش عارف حيعمل ايه بالزبط فدا مأثر على كل الفرق، دا رأيي أنا يعني، لكن في الأخر انت بنتزل الملعب وبتدي  كل اللي عندك فيه فرق  تانية بتبقى محظوظة شوية، في فرق تانية بتدي كل اللي عندها، أنا  شايف كل الفرق قريبة من بعضها السنة دي، كل الفرق بتكسب وبتخسر بتكسب وبتخسر، فلسا صعب قوي على ما تقول مين هيكسب الدوري، بس اتمنى انه يكون نحنا في الآخر.

المحاور: طبعاً لكي يكون ليفربول في المقدمة وينال على الدوري هناك أمور عديدة يجب أن تكون متكاملة الأطراف، متكاملة مع ليفربول مع يورغن كلوب  مع بقية زملائك في الفريق، ولكن لربما قليلاً أثرت الإصابات على فريق ليفربول كما أثرت على الفرق الأخرى وخصوصاً إصابة المدافع الدولي الهولندي، فان دايك، هل برأيك الإصابات أرهقت قليلاً ليفربول أم أن الأمور تحت السيطرة  حتى الآن؟

صلاح: لا، أنا شايف أن لها دور، الإصابات لها دور، خسرت مثلاً اثنين مدافعين عندك وجويل برضو بيتصاب ويرجع تاني فيعتبر ثلاثة، فبتلاعب فابينيو دلوقتي فقلب الدفاع ورا، فدا بيأثر عليك، لازم يأثر عليك كدا كدا وخاصة أنه فيرجيل برضه واحد من أفضل الملاعبين والمدافعين في العالم، حيكون ليه تأثير مية في المية، لكن في الآخر انت لازم تتعامل مع الوضع ولو عايز تكسب البطولة لازم تتعامل مع الوضع بشكل مختلف وتحاول تكسب كل الماتشات عشان تكسب البطولة يعني لو ركزت ع الاصابات بس أنا متأكد انه انت مش هتكسب البطولة في الآخر، لو ركزت ع اللي عندك وحاولت تتعامل مع الوضع ممكن يفرق معاك ويخليك تكسب البطولة يعني.

المحاور: طبعا البقاء في القمة يترتب على لربما استعادة المصابين مع فريق ليفربول أو لربما يكون في زيادة عدد الأهداف في بعض اللقاءات، برأيك طبعاً، أو باستقبال  عدد قليل من الأهداف كما كان يحصل في الموسم الماضي؟

صلاح: أنا شايف انه كله مع بعضه، ما قدرش أقول حاجة واحدة بس منهم، بس المصابين للأسف اللي عندنا مصابين لفترة طويلة فأنت لازم تتعامل مع الوضع زي ما هو موجود دلوقتي ما  تقدرش تغيره لانه فيرجل أو جو عندهم إصابات لأربع خمس شهور، لسا يعني، ممكن أقل ما بحسبش بالضبط بس  انا بقول الوقت اللي هم كان بيقولو عليه ،برضو محتاج انه انت ما تستقبل جوال كثيرة، محتاج انه انت تسجل اكثر، فأنا شايف انه كلها مع بعضها، كلها بيبقى ليها تأثير وعلاقة ببعضها، لو اللعيبة اللي قدام مرتاحة أنه ورا مش حيدخل فيك جوال بيبقى مرتاح اكثر وما بيدافعش بالشكل الكبير قوي قوي اللي هو ياخد كل مجهودك دفاعيا بس في الاخر انت لازم تدور على الحاجة اللي تخليك انت مرتاح في الملعب وتخلي الفرقة تكسب يعني.

المحاور: طبعا من أحد أبرز الأمور أيضاً التي تساعد الأندية الكبيرة على وجه الخصوص، في حال وجود إصابات هي التعاقدات وهناك سوق وميركاتو شتوي قادم بالنسبة لمعظم الاندية لربما تكون الأمور الاقتصادية مختلفة طبعاً بكل تأكيد لأن العديد من الأمور والعديد من الأندية تضررت بسبب الوضع الاقتصادي، ولكن هل الفكرة قائمة على أن يكون هناك أسماء جديدة لربما تعطي إضافة لليفربول برأيك؟

صلاح: والله ده قرار مش بتاعي، ده قرار المدرب والادارة، انا معرفش هم عايزين يعملو ايه، لكن هم اللي شايفين الوضع، هم اللي شايفين الفرقة محتاجة ايه، فأنا مش هقدر اتكلم فيه عشان برضه في اللعيبة الصغيرة طالعة بتلعب وتقدم بشكل كويس في الماتشات فأكيد اي إضافة بتبقى الفرقة سواء لعيب كويس أو لعيب مهم حيساعد الفرقة بشكل كبير لكن دا مش  قراري انا وافتكر المدرب هو اكثر واحد ممكن يتكلم في الموضوع ده.

المحاور: بينما من جانب آخرمحمد هناك أيضاً وجوه شابة لربما تعطي الاضافة كما ستعطي الإضافةايضا اسماء قادمة يعني وجودأسماء صغيرة في السن،  شابة، تستطيع ان تبني الفريق أو يعول عليها ايضا نادي ليفربول للبناء على فريق آخر او Plan B  أو دعنا نقول مخطط للمستقبل. هل محمد صلاح شخصيا يدعم الاسماء الشابة،هل هناك تشجيع لهذه الاسماء المتواجده في تشكيلة يورغن كلوب؟

صلاح: اكيد طبعا. اكيد هم كمان لما يلعبو ماتشات في ال Champions League  او ال Premier League  بيأدوابشكل كويس وبيطلعونجوم الماتشات، ف ده بيديهم حافز انه اللعيبة بتوثق فيه جدا واللعيبة بتقعد تتكلم معاهم قبل الماتش ووقت الماتش، فأنا اكيد بدعمكم مية في المية ومبسوط جدا بالاداء اللي هم بيأدوه لحد دلوقتي واتمنى انه هم يستمرون على كدا واتمنى انه هم كانوموجودين برضه وقت ما فيرجل وجو يبقو موجودين عشان يستفيدو منهم بخبرات اكثر ويتعلمو منهم اكثر. لكن في الاخر انا بدعمكم جدا وبتمنى ان شاء الله يستمرون على المستوى اللي هم بيظهروا عليه ده.

المحاور: طبعا من الأسماء الشابة هو جوتا أيضاً  الذي يعتبر إضافة كبيرة لفريق واستعان به يورغن كلوب بطريقة مميزة للغاية ووجد مكان أساسي وأثبت وجوده أيضاً في وقت وجيز هل هناك أيضاً دعم لجوتا من قبل زملائه في الفريق؟

صلاح: أكيد طبعاً، أي لعيب، احنا لعيبة مع بعض فعلاقتنا بتبقى كويسة مع بعض، هو جوتا من ساعة ما جه وهو بيقدم بشكل كويس وجاب جوال برضه ساعدت الفريق  انه هو يكسب ماتشات، كان لسا جاي جديد فاللعيبة بتدعمه ووبتتكلم معاه وعايزاه يبقى مرتاح في الفرقة، كلنا هنا بنلعب عشان مصلحة الفرقة وكلنا بنلعب بالفرقة رقم واحد، فأكيد مفتقدين انه هو مش موجود معانا لكن في الآخر، أنت مش موجود في واحد تاني بيحاول يأدي ويطلع كل اللي عنده، بتمنى انه هو يرجع بسرعة وبنفس الوقت نحن نكسب ماتشات.

المحاور: طبعاً عملية المداورة أيضا يجب أن تكون موجودة بالنسبة لليفربول كمتابعين لكرة القدم وأيضاً دائما ما نكون حاضرين في معظم لقاءات الـPremier League وأيضا في Champions League لربما تكون عملية المداورة تحت السيطرة نوعاً ما مع يورغن كلوب على غرار أيضا بعض المدربين الآخرين في Premier League المشاركون أيضاً في دوري الأبطال، هل محمد صلاح كلاعب يعول ويشجع على عملية المداورة وخصوصاً في حال المنافسة على أكثر من جبهة أو أكثر من ثلاث منافسات في نفس الفترة؟

صلاح: ده سؤال صعب أوي عليا، انا عايز العب كل دقيقة ممكن العبها ما اقدرش اتكلم فيه عشان التكتيك بتاع المدرب وهو شايف وجهة نظره، لكن لو بتسألني انا عن رأيي انا بحب العب كل الماتشات وألعب 90 دقيقة لآخر، 95 دقيقة كمان، مش 90 دقيقة بس، ألعب لآخر ثانية في الماتش، لو بتسألني عن رأيي يعني، لكن في الآخر المدرب بياخد قراره واللعيبة بتحترم قراره ده.

المحاور: طيب، بعيدا عن عملية المداروة والأمور الخاصة بليفربول، دعنا نتحدث كثيراً عنا نحن كعرب ومتابعين للاعبين العرب في أوروبا على وجه الخصوص، طبعاً تابعنا محمد صلاح في الدوري  الإيطالي على وجه الخصوص بشكل بارز مع نادي فيورنتينا نادي مع روما مع تشكيل الفارق، تسجيل الأهداف مع فيورنتينا على وجه الخصوص مع كبار الأندية أو ضد كبار الأندية وهو ما رفع أسهم محمد صلاح كلاعب حينها في الدوري الإيطالي. مشوار يعتبر مميز وننتظر أيضاً لاعبين آخرين عرب يسجلون أيضاً اسمهم في أحد الأندية الكبيرة على مستوى الأندية الأوروبية، هل لدى محمد صلاح، بعيداً عن اللاعبين المصريين، اخوتك المصريين في انجلترا على وجه الخصوص أو فيه أوروبا، هل لديك علاقات أخرى مع زياش على سبييل المثال أو رياض محرز، هل هناك تواصل بينك وبينهم؟

صلاح: بصراحة ما فيش تواصل معاهم شخصياً بس لما قابلت محرز مثلاً في الماتش، كل ماتش بنتقابل فيه بنتكلم فيه، زياش ما قابلتوش لحد دلوقتي عشان هو لسا جاي جديد في الدوري، بس علاقتي بمحرز كويسة لما بنتقابل في الماتش، بنتكلم قبل الماتش أو بعد الماتش.  اللي علاقتي فيه كويسة قوي في الكورة شوية،هو السومة،  عمر السومة بنتواصل من وقت للتاني، بس هنا في الدوري الانجليزي ما بنتكلمش، ما فيش تواصل بينا وتلفونات بس لما نتقابل في الماتش بنتكلم مية في المية.